У перыяд з 2 па 4 кастрычніка 2018 г. у г. Маскве, Расійская Федэрацыя, адбылося 6-е пасяджэнне Рабочай групы па падрыхтоўцы да Сусветнай канферэнцыі радыёсувязі і Асамблеі радыёсувязі 2019 года (РГ СКР-19 / АР-19) пры Камісіі РСС па рэгуляванні выкарыстання радыёчастотнага спектру і спадарожнікавых арбіт.

У працы групы прынялі ўдзел тэхнічныя эксперты з Азербайджанскай Рэспублікі, Рэспублікі Арменія, Рэспублікі Беларусь, Рэспублікі Казахстан, Кыргызскай Рэспублікі, Расійскай Федэрацыі, Рэспублікі Узбекістан, а таксама прадстаўнікі МСЭ, Міжнароднага саюза радыёаматараў Раёна 1, Міжнародных аператараў спадарожнікавай сувязі Eutelsat і Inmarsat, а таксама прадстаўнікі Выканаўчага камітэта РСС.

У пасяджэнні прынялі ўдзел супрацоўнікі НДАІ ААТ «Гіпрасувязь», якія з’яўляюцца членамі групы і сакаардынатарамі па пункце 1.16 парадку дня СКР-19 (дадатковае размеркаванне спектру сістэмам бесправаднога доступу, уключаючы лакальныя радыёсеткі, у палосах частот паміж 5150 Мгц і 5925 Мгц) і пунктам 7 парадку дня СКР-19 (змяненне працэдур папярэдняй публікацыі, каардынацыі, заявы і рэгістрацыі частотных прысваенняў, якія адносяцца да спадарожнікавых сетак, у мэтах садзейнічання эфектыўнаму і эканомнаму выкарыстанню радыёчастот і любых звязаных з імі арбіт).

Парадак дня пасяджэння змяшчаў пытанні падрыхтоўкі АС РСС да АР-19 і СКР-19, прамежкавыя вынікі даследаванняў, якія праводзяцца ў Сектары радыёсувязі МСЭ, іншых рэгіянальных і міжнародных арганізацыях, разгляд рабочых матэрыялаў каардынатараў РСС. Па выніках разгляду прадстаўленых матэрыялаў групай быў абноўлены праект папярэдняй пазіцыі Адміністрацый сувязі РСС па пунктах парадку дня СКР-19.