У канцы лістапада 2016 г. Міжнародны саюз электрасувязі прадставіў штогадовую справаздачу «Вымярэнне інфармацыйнага грамадства». Дакумент змяшчае аналіз развіцця і ўкаранення інфармацыйна-камунікацыйнай інфраструктуры (ІКІ), кошту і даступнасці паслуг на базе ІКТ.

Аналіз грунтуецца на разліку індэкса развіцця ІКТ (ICT Development Index, IDI), які ўяўляе сабой комплексны індыкатар, што складаецца з 11 паказчыкаў, аб'яднаных у 3 субіндекса: субіндекс доступу (адлюстроўвае развіццё інфраструктуры ІКТ і доступ насельніцтва да асноўных паслуг на базе ІКТ), субіндекс выкарыстання (адлюстроўвае ўзровень выкарыстання ІКТ) і субіндекс практычных навыкаў (адлюстроўвае чалавечы патэнцыял у выкарыстанні ІКТ). У дакуменце прадстаўлены вынікі разліку IDI для 175 эканомік за 2014 і 2015 гг.

Першае месца ў рэйтынгу МСЭ паводле індэксу развіцця ІКТ захавала Рэспубліка Карэя, другое і трэцяе месцы занялі адпаведна Ісландыя і Данія (табліца 1).

 Табліца 1 – Сусветныя лідэры паводле індэксу развіцця ІКТ

Лідэрам сярод краін – удзельніц РСС у рэйтынгу МСЭ па ўзроўні развіцця ІКТ (табліца 2) з'яўляецца Рэспубліка Беларусь (31-е месца, лідэр рэгіёну СНД і Грузія), за ёй ідуць Славенія (33-е месца) і Літва (39-е месца ). Характэрна, што ва ўсіх краінах – удзельніцах РСС назіраецца рост значэння IDI у параўнанні з 2014 годам, аднак толькі Беларусь (-2 пазіцыі) і Балгарыя (-1 пазіцыя) здолелі падняцца ў рэйтынгу МСЭ.

Табліца 2 – Краіны – удзельніцы РСС паводле індэксу развіцця ІКТ

Першае месца Беларусі сярод краін – удзельніц РСС па IDI тлумачыцца высокімі  пазіцыямі па кожным з складнікаў субіндексаў (2-е месца па субандексу доступу, 3-е месца па субандексу выкарыстання і 1-е месца па субандексу практычных навыкаў) (табліца 3).

Табліца 3 – Пазіцыі краін – удзельніц РСС паводле субіндексаў IDI

Беларусь з'яўляецца лідэрам сярод краін рэгіёну СНД і Грузія па наступных паказчыках:

• колькасці абанентаў фіксаванай тэлефоннай сувязі (49 абанентаў на 100 чалавек, 13-е месца ў свеце); у наступнай за ёй Славеніі гэты паказчык складае 36,2 абанента на 100 чалавек (30-е месца);
• колькасці абанентаў фіксаванай шырокапалоснай сувязі (31,3 абанента на 100 чалавек, 21-е месца ў свеце), далей ідуць Літва (27,8 абанента на 100 чалавек, 3-е месца) і Славенія (27,6 абанента на 100 чалавек, 34-е месца);
• ахопу насельніцтва троеснай адукацыяй (88,9%, 4-е месца ў свеце), далей ідуць Славенія (85,2%, 8-е месца) і Украіна (82,3%, 11-е месца).