Інфармацыйны рэсурс ацэнкі якасці паслуг перадачы дадзеных

На базе ААТ «Гіпрасувязь» дзейнічае Інфармацыйны рэсурс ацэнкі якасці паслуг перадачы дадзеных (далей – Інфармацыйны рэсурс). Гэты сэрвіс дазваляе ацаніць якасць аказання паслуг перадачы дадзеных на іх адпаведнасць параметрам якасці, вызначаным у дзяржаўным стандарце Рэспублікі Беларусь СТБ 1962-2012 «Паслугі перадачы дадзеных. Патрабаванні да якасці. Нормы і метады кантролю», і функцыянуе ў адпаведнасці з Пастановай Савета Міністраў № 843 «Аб унясенні дапаўненняў і змяненняў у Правілы аказання паслуг электрасувязі».

Згодна з патрабаваннямі СТБ 1962-2012 хуткасць перадачы дадзеных павінна складаць не менш 70 % ад максімальнай хуткасці, заяўленай аператарам электрасувязі ў дагаворы (тарыфным плане). Час затрымкі перадачы IP-пакетаў не павінна перавышаць 400 мс, а каэфіцыент страты IP-пакетаў не павінен быць вышэй 3 %. Дакладнасць вымярэнняў на канале з хуткасцю перадачы дадзеных ад 100 Мбіт/с не з'яўляецца гарантаванай.

На 16.09.2016 на Інфармацыйным рэсурсе зарэгістравана 2924 карыстальніка і праведзена 14 681 вымярэнне. Пры гэтым за 8 месяцаў 2016 года зарэгістравана 373 новых карыстальніка і праведзена 7442 вымярэння, з якіх 1215 (каля 16,3 %) не адпавядаюць патрабаванням, устаноўленым у СТБ 1962-2012 (т. зв. ненарматыўныя вымярэнні). У гэтым годзе сярэдні лік вымярэнняў у месяц склаў 930, сярэдняя колькасць новых карыстальнікаў – 47, сярэдняя доля ненарматыўных вымярэнняў – 16,3 % (152 ненарматыўных вымярэння ў месяц).

За аналагічны перыяд мінулага года было зарэгістравана 1738 карыстальнікаў і праведзена 4732 вымярэння, з якіх 900 (каля 19 %) не адпавядалі патрабаванням па якасці аказання паслуг перадачы дадзеных. Усяго за 2015 год зарэгістравана 2073 новых карыстальніка і праведзена 6364 вымярэння, з якіх 1335 (каля 21 %) – ненарматыўныя. Сярэдні лік вымярэнняў у месяц у 2015 годзе склаў 530, сярэдняя колькасць новых карыстальнікаў – 73, сярэдняя доля ненарматыўных вымярэнняў – 21 %. Разам з тым, без уліку пікавых значэнняў (сакавік і жнівень 2015 года), звязаных з публікацыямі аб дадзеным рэсурсе ў СМІ, гэтыя паказчыкі за 10 месяцаў мінулага года былі роўныя адпаведна 258, 49 і 25,8 %.

Колькасная дынаміка вымярэнняў паказчыкаў якасці аказання паслуг перадачы дадзеных, а таксама новых карыстальнікаў Інфармацыйнага рэсурсу прыведзена на малюнках 1 і 2.

Малюнак 1 – Колькасная дынаміка вымярэнняў паказчыкаў якасці аказання паслуг перадачы дадзеных

Малюнак 2 – Колькасная дынаміка новых карыстальнікаў Інфармацыйнага рэсурсу

Назіраецца павелічэнне колькасці вымярэнняў паказчыкаў якасці аказання паслуг электрасувязі. Прырост за першыя 8 месяцаў 2016 года ў параўнанні з аналагічным перыядам мінулага года склаў 57,3 %. Сярэднямесячнае значэнне колькасці вымярэнняў ў 2016 годзе таксама павялічылася (у параўнанні з 2015 годам прырост склаў каля 75 %).

Малюнак 3 – Дынаміка змены долі падключэнняў, якія не адпавядаюць патрабаванням па якасці аказання паслуг перадачы дадзеных

Падводзячы вынікі, варта адзначыць, што Інфармацыйны рэсурс з’яўляецца дастаткова эфектыўным інструментам для арганізацыі грамадскага кантролю за якасцю аказання паслуг перадачы даных. Ускосна гэта пацвярджаецца змяншэннем долі ненарматыўных вымярэнняў, што сведчыць пра паляпшэнне якасці аказання паслуг перадачы дадзеных аператарамі электрасувязі. Сярэдняя доля ненарматыўных вымярэнняў у месяц ў 2016 годзе ў параўнанні з 2015 годам зменшылася з 21 % да 16,3 %.