Рэспубліканскі турнір па інтэлектуальных гульнях «Эрудыяваны сувязіст – 2020»

23 снежня 2020 года ў рэжыме online на базе Міжнароднага цэнтра камутацыі РУП «Белтэлекам» прайшоў рэспубліканскі турнір па інтэлектуальных гульнях «Эрудыяваны сувязіст – 2020» – мерапрыемства, якое аб’ядноўвае работнікаў вобласці сувязі з мэтай усебаковага развіцця і прапаганды інтэлектуальных формаў вольнага часу моладзі.

З прывітальным словам да ўдзельнікаў турніру звярнуўся Павел Ткач, першы намеснік Міністра сувязі і інфарматызацыі Рэспублікі Беларусь, і Ніна Гаўрылава, старшыня Беларускага прафесійнага саюза работнікаў сувязі.

Кіраўнікі арганізацый сувязі і старшыні пярвічных прафсаюзных арганізацый таксама далучыліся, каб падтрымаць спартовы дух сваіх каманд.

У 2020 годзе інтэлектуальны турнір складаўся з двух частак: гульні «Квіз Канэкт» і гульні «Што? Дзе? Калі?» Абодва спаборніцтвы выпрабоўвалі каманды на эрудыцыю, лагічнае мысленне, уменне хутка прымаць рашэнні і дзейнічаць калектыўна.

Усяго ў турніры «Эрудыяваны сувязіст – 2020» узялі ўдзел 27 арганізацый Міністэрства сувязі і інфарматызацыі, у тым ліку і каманда ААТ «Гіпрасувязь» – «Гіпразнайки».

Вядучым і аўтарам пытанняў да гульні па традыцыі быў галоўны рэдактар нацыянальных тэлевізійных праграм «Што? Дзе? Калі? » і «Брэйн-рынг» Павел Забаўскі.

КАМАНДНЫ ЗАЛІК

(Па выніках гульняў «Квіз Канэкт» і «Што? Дзе? Калі?»)

I месца – каманда «Рамашка» Гомельскага філіяла РУП «Белтэлекам»;
II месца – каманда «Гексагон» Брэсцкага філіяла РУП «Белтэлекам»;
III месца – каманда «СМС – Зборная Міжгародняй Сувязі» філіяла «Міжгародняя сувязь» РУП «Белтэлекам».

Віншуем каманды з перамогай, дзякуем усім удзельнікам за гульню, жадаем далейшых поспехаў і новых дасягненняў!