Міністэрства сувязі і інфарматызацыі Рэспублікі Беларусь і Рэспубліканскі камітэт Беларускага прафесійнага саюза работнікаў сувязі заключылі Тарыфнае пагадненне на 2016-2018 гг.

27.04.2016 #сацыяльнае

Міністэрства сувязі і інфарматызацыі Рэспублікі Беларусь і Рэспубліканскі камітэт Беларускага прафесійнага саюза работнікаў сувязі заключылі Тарыфнае пагадненне на 2016-2018 гг.

27 красавіка 2016 г. дакумент падпісалі міністр сувязі і інфарматызацыі Сяргей Папкоў і старшыня Рэспубліканскага камітэта Беларускага прафесійнага саюза работнікаў сувязі Ніна Гаўрылава.

Тарыфнае пагадненне на 2016-2018 гг. падрыхтавана на аснове аналізу сучаснага сацыяльна-эканамічнага становішча краіны і Генеральнага пагаднення паміж Урадам Рэспублікі Беларусь, рэспубліканскімі аб'яднаннямі наймальнікаў і прафсаюзаў на 2016-2018 гг. Новы дакумент стаў адлюстраваннем узгодненай пазіцыі Міністэрства сувязі і інфарматызацыі і Беларускага прафсаюза работнікаў сувязі па асноўных напрамках сацыяльна-эканамічнага развіцця галіны.

У пагадненні замацаваны дамоўленасці ў галіне эканамічнай палітыкі, удасканалення формаў і метадаў аплаты працы, павышэння ўзроўню жыцця работнікаў, сацыяльнай абароны і сацыяльных гарантый, садзейнічання занятасці, паляпшэння ўмоў і аховы працы, развіцця сацыяльнага партнёрства.

Тарыфнае пагадненне дасць магчымасць забяспечыць эфектыўную сумесную працу Міністэрства, наймальнікаў і прафсаюза па павышэнню канкурэнтаздольнасці арганізацый, іх мадэрнізацыі, стварэння працоўных месцаў.

Пры падпісанні Тарыфнага пагаднення на 2016-2018 гг. сацыяльныя партнёры падкрэслілі, што некаторыя з палажэнняў дакумента пашыраны і ўзмацняюць сацыяльную абароненасць работнікаў. Напрыклад, адзначаны недапушчальнасць зніжэння памераў заработнай платы пры ўвядзенні новых умоў аплаты працы, абавязак пры заключэнні калектыўных дагавораў прадугледжваць выплату заработнай платы не радзей як два разы на месяц, як правіла, не пазней 25 чысла месяца, наступнага за справаздачным.

Неабходна адзначыць, што абавязкi Тарыфнага пагаднення, прынятага на 2014-2015 гг., выкананыя. Сёння ў галіне ўдасканальваюцца калектыўна-дагаворныя адносіны, сумеснымі намаганнямі сацыяльных партнёраў дасягаюцца ўсе намечаныя мэты. На агульную думку бакоў, ёсць упэўненасць у тым, што нормы і палажэнні Тарыфнага пагаднення на 2016-2018 гг. будуць выкананыя.

Віртуальнае мерапрыемства «На шляху ў Адыс-Абебу»: напярэдадні СКРЭ-2021

Серыя мерапрыемстваў «На шляху ў Адыс-Абебу» арганізуецца для папярэдняга агляду і актывізацыі дзейнасці па падрыхтоўцы Сусветнай канферэнцыі па развіцці электрасувязі (СКРЭ) Міжнароднага саюза электрасувязі (МСЭ) з мэтай павысіць дасведчанасць, умацаваць партнёрскія адносіны і прыцягнуць ўсе зацікаўленыя бакі да фарміравання парадку дня СКРЭ.

Нагляд па распрацаваных праектных рашэннях

Спецыялісты аддзела сетак, сістэм і збудаванняў сувязі і службы ГІПаў ажыццяўляюць аўтарскі нагляд па распрацаваных ААТ «Гіпрасувязь» праектных рашэннях.

Відэаканферэнцыя па пытаннях рэалізацыі Рэгіянальнай ініцыятывы 5

28 кастрычніка 2020 г. адбылася відэаканферэнцыя па пытаннях рэалізацыі Рэгіянальнай ініцыятывы 5 «Садзейнічанне інавацыям і партнёрству ў сферы ўкаранення тэхналогій «інтэрнэту рэчаў» і іх узаемадзеянне ў сетках электрасувязі, уключаючы сеткі 4G, IMT-2020 і сеткі наступных пакаленняў, у інтарэсах ўстойлівага развіцця для рэгіёну СНД».

Па Беларусі разам!

У апошні дзень кастрычніка першасная прафсаюзная арганізацыя ААТ «Гіпрасувязь» арганізавала для працаўнікоў Таварыства двухдзённую турыстычную экскурсію пад назвай «Па Беларусі разам!»

На шляху да разумнага горада

20 кастрычніка 2020 года ў Полацку адбылася сустрэча прадстаўнікоў адміністрацыі выканаўчага камітэта і адкрытага акцыянернага таварыства «Гіпрасувязь» па пытаннях адаптацыі Тыпавой канцэпцыі развіцця разумных гарадоў у Рэспубліцы Беларусь да Полацкага раёну.