1-й міжрэгіянальны семінар-практыкум МСЭ па падрыхтоўцы да ВКР-19

21–22 лістапада 2017 г. у штаб-кватэры МСЭ ў Жэневе праводзіўся 1-й міжрэгіянальны семінар-практыкум МСЭ па падрыхтоўцы да СКР-19. У яго рабоце ўдзельнічалі прадстаўнікі рэгіянальных арганізацый: РCC (Рэгіянальная садружнасць у галіне сувязі), ATU (Афрыканскі саюз электрасувязі), APT (Азіяцка-Ціхаакіянская супольнасць электрасувязі), ASMG (Арабская група кіравання спектрам), CITEL (Міжамерыканскага камісія па электрасувязі), CEPT (Еўрапейская канферэнцыя адміністрацый пошты і тэлекамунікацый), а таксама міжнародных арганізацый ICAO (Міжнародная арганізацыя грамадзянскай авіяцыі), IMO (Міжнародная марская арганізацыя), WMO (Сусветная метэаралагічная арганізацыя), асацыяцый аператоров сувязі і вытворцаў радыёабсталявання.

У рамках семінара адбыліся круглыя сталы, на якіх была прадстаўлена інфармацыя ад адказных Даследчых камісій МСЭ-R і іх рабочых груп аб даследаваннях па пунктах парадку дня СКР-19, што зараз праводзяцца, а таксама абмеркаваны пытанні падрыхтоўкі да ПСК19-2, АР-19 і СКР-19, праведзены абмен думкамі па найбольш складаных пытаннях канферэнцыі, звязаных з эфектыўным выкарыстаннем рэсурсаў радыёчастотнага спектру і арбіты, вызначэннем характарыстык і паказчыкаў работы будучых сістэм фіксаванай, паветранай, марскі і сухапутнай рухомай радыёсувязі, забеспячэннем аказання дапамогі пры бедствах, тэлевізійным і радыёвяшчаннем, спадарожнікавай сувяззю і радыёнавігацыяй, касмічнымі даследаваннямі, метэаралогіяй і радыёастраноміяй.

У гонар 90-й гадавіны МККР/МСЭ-R адбылося гашэнне расійскай паштовай карткі, праведзенае Дырэктарам Бюро радыёсувязі МСЭ Франсуа Рансі і Генеральным дырэктарам НДІ Радыё Валерыем Бутэнка.

Ад Рэспублікі Беларусь у працы семінара прынялі ўдзел спецыялісты ААТ «Гіпрасувязь» і РУП «БелДІЭ».

Фатаграфіі ўзятыя з www.flickr.com/photos/itupictures.