Аб прадпрыемстве

Адкрытае акцыянернае таварыства «Гіпрасувязь» (далей – ААТ «Гіпрасувязь») створана на падставе загаду Мінскага гарадскога тэрытарыяльнага фонду дзяржаўнай маёмасці ад 26 мая 2009 г. № 53 і рашэння Мінскага гарвыканкама ад 12 чэрвеня 2009 г. шляхам пераўтварэння праектнага навукова-даследчага рэспубліканскага прадпрыемства «Гіпрасувязь» у адпаведнасці з заканадаўствам Рэспублікі Беларусь аб прыватызацыі дзяржаўнай маёмасці.

ААТ «Гіпрасувязь» з'яўляецца пераемнікам правоў і абавязкаў названага прадпрыемства ў адпаведнасці з перадаткавым актам, за выключэннем правоў і абавязкаў, якія не могуць належаць Таварыству.

ААТ «Гіпрасувязь» з'яўляецца вядучай арганізацыяй па:

• праектаванні сетак і сістэм сувязі;
• навукова-даследчай рабоце;
• навуковаму забеспячэнню галіны сувязі;

а таксама галаўной арганізацыяй па:

• стандартызацыі;
• сертыфікацыі;
• метралогіі.

Навукова-даследчыя і выпрабавальныя лабараторыі, якія ўваходзяць у структуру ААТ «Гіпрасувязь», у дадатак да дзейнасці праектна-пошукавых аддзелаў, выконваюць НДР, ДКР і іншыя віды навукова-тэхнічных работ, звязаных з распрацоўкай, вытворчасцю, укараненнем і выпрабаваннем сістэм і сродкаў сувязі; распрацоўваюць нарматыўныя дакументы, методыкі выканання вымярэнняў электрычных параметраў сродкаў сувязі; праводзяць экспертызу тэхнічных умоў і іншай дакументацыі на сродкі сувязі.

ААТ «Гіпрасувязь» прымае актыўны ўдзел у выкананні штогадовых планаў дзяржаўнай і галіновай стандартызацыі па распрацоўцы дзяржаўных стандартаў і кіруючых дакументаў, распрацоўцы і перагляду іншых нарматыўных і метадычных дакументаў у галіне сувязі.

У рамках міжнароднага навукова-тэхнічнага супрацоўніцтва праводзіцца работа па падрыхтоўцы прапаноў для выпрацоўкі пазіцыі Адміністрацыі сувязі Рэспублікі Беларусь на міжнародных форумах, па заказу Міжнароднага саюза электрасувязі (МСЭ) спецыялістамі прадпрыемства праведзены работы па перакладу і выданню шэрагу рэкамендацый Сектара стандартызацыі электрасувязі Міжнароднага саюза электрасувязі (МСЭ-Т).

На прадпрыемстве вядзецца абанементнае, даведачна-інфармацыйнае, метадычнае, кансультацыйнае абслугоўванне прадпрыемстваў сувязі і іншых арганізацый па шырокаму спектру напрамкаў у галіне інфармацыйна-камунікацыйных тэхналогій.

ААТ «Гіпрасувязь» выдаецца навукова-вытворчы часопіс «Веснiк сувязi».

Прадпрыемства, заснаванае ў 1968 г., мае шматгадовыя традыцыі і вопыт па праектаванні сістэм і сродкаў сувязі, прагназаванні і абгрунтаванню асноўных напрамкаў доўгатэрміновай навукова-тэхнічнай палітыкі ў галіне сувязі, распрацоўцы мэтавых праграм і іх суправаджэнню, па пацвярджэнню адпаведнасці сродкаў і паслуг сувязі патрабаванням тэхнічных нарматыўных прававых актаў Рэспублікі Беларусь.